• Саше Љолес
Славниот холандски клуб, Ајакс, ги живее можеби најтешките моменти во историјата, а последната „капка“ се чини дека беше понижувачкиот пораз од Феенорд со убедливи 6-0.
Навивачите се бесни и протестираа пред клупските простории, а управата веќе најави дека засилено трага по ново тренерско име за следната сезона. Се шпекулираше со Англичанецот Грем Потер, но екс-тренерот на Брајтон и Челзи го одбил повикот, а сега во игра се уште неколку занимливи имиња.
Медиумите во Холандија објавија дека Ајакс има голем проблем затоа што никој од квалитетните стратези не сака да го преземе гигантот, особено во периодот кога клубот го тресе финансиска криза и очигледен е огромниот пад во перформансите на тимот.
Се чини дека Ајакс го допре дното, но челните лица најавуваат посветли денови и наскоро се очекува да го објават новиот тренер, кој сигурно ќе го замени привременото решение, Џон Ван Схип.
