• Иван Димовски
Екипата на Брера Струмица по Александар Ристевски потврди дека по завршената сезона ќе се раздели со уште еден фудбалер.
Станува збор за младиот дефанзивец Агрон Руфати. 25-годишникот пристигна во Брера во јануари 2023 година, а сега по сезона ипол во Струмица реши дека е време за нов предизвик во кариерата. Сезонава Руфати беше стандарден кај Валенти и Круљ и одигра триесет натпревари.
Инаку, во својата младинска кариера Агрон Руфати се развиваше во Динамо Загреб, а потоа и Локомотива Загреб. Во сениорскиот фудбал се промовира во Истра, потоа година и половина беше дел од Зориа Лугањск и мина полусезона во романска Академика.
