• Саше Љолес
Екипата на Севиља без никакви проблеми го совлада Овиедо со убедливи 4-0 (2-0) во натпреварот од шеснаесеттото коло во шпанската Примера.
- Извештај од натпреварот:
Домаќините одиграа одличен меч и заслужено ги освоија трите бода, а стрелци беа Акор Адамс, Џибрил Соу и Французинот Батиста Менди. Конечните 4-0 ги постави Чиндера Еџуке, кој стрелаше во 89. минута.
За Севиља ова е шести сезонски триумф, со кој се искачи на осмото место на табелата, додека Овиедо го впиша десеттиот пораз и останува на претпоследната позиција во шпанскиот елитен фудбал.
Во финишот од мечот гостите останаа и со играч помалку, откако втор жолт картон заработи Давид Кармо.
Во следното коло Севиља ќе има тешко гостување кај Реал Мадрид на „Сантијаго Бернабеу“, а Овиедо на домашен терен ќе го пречека незгодниот тим на Селта Виго.
