• Саше Љолес
Македонскиот репрезентативец Агон Елези, ќе ја продолжи кариерата во хрватскиот клуб, Горица, каде пристигнува на позајмица до крајот на сезоната.
За Елези ова е враќање во Хрватска по неговиот, барем засега, неславен период во германскиот Бохум, а претходно три ипол години беше дел од тимот на Вараждин. Нашиот репрезентативец веќе се приклучи на тимот и ги одработи првите тренинзи, а стручниот штаб се надева дека ќе биде од голема помош за остатокот од сезоната.
23-годишниот Елези ја започна кариерата во Шкупи, а потоа играше за Велазерими и Скендербеу од Албанија. За Вараджин одигра 60 натпревари и постигна шест гола. Горица во моментов е последнопласирана екипа на табелата и со сите сили ќе се бори за опстанок во елитата.
Прочитајте повеќе околу трансферите во Македонија и во светот на ОВОЈ линк.
