• Мартин Танасковски
Шкотскиот премиерлигаш Абердин нема намера да го продава Бојан Миовски затоа што македонскиот фудбалер одлично се наметна во премиерлигашот.
Миовски игра одлично во третиот најдобар клуб во моментов во Шкотска. Заедно со неговиот партнер Дук, тие се одличен тандем пред голот на противниците. И двајцата се интересни за неколку клубови, но Абердин нема да ги продаде.
Од клубот велат дека и двајцата се под договори во следните сезони и дека Абердин не чувствува притисок дека мора да ги продаде двајцата, или еден од нив. Иако се свесни дека ќе биде тешко да се сочуваат играчите, нивна желба е двајцата да блескаат во дресот и понатаму.
23-годишниот Миовски во дресот на Абердин има 16 гола на 33 меча.
