• Иван Димовски
Фудбалерите на Глазгов Ренџерс го освоија Лига купот на Шкотска, откако во финалето го совладаа Абердин со минимални 1-0 (0-0). Средбата на „Хампден Парк“ понуди доминација на фаворитот, кој ја израдува публиката во Глазгов.
- Извештај од натпреварот:
Македонскиот репрезентативец Бојан Миовски беше стартер и го одигра целиот натпревар, меѓутоа не успеа да му помогне на Абердин да дојде до успех. Сепак, неговиот тим беше надигран и не успеа да упати шут во рамките на голот.
Одлучувачкиот момент на средбата дојде во 76. минута, кога Џејмс Таверние стрелаше од непосредна близина за 1-0. Ренџерс до крајот успеа да ја одбрани предноста и го прослави првиот сезонски трофеј.
На патот кон финалето Абердин ги победи Стирлинг, Рос Каунти и Хибернијан, сите минимално. Миовски даде два гола и е на делба на второто место меѓу стрелците.
