• Зоран Мишевски
Во последниот саботен натпревар од 32. коло на француската Лига 1, играчите на Ница и Ленс одиграа нерешено, 1-1. Ленс ја пропушти можноста да триумфира и со тоа да се приближи до лидерот ПСЖ на само четири бода, по денешното реми на парижани против Лориент.
- Извештај од натпреварот:
Иако водеше, Ленс мораше да се задоволи само со бод, па ПСЖ пак има шест бода повеќе од првиот придружник. Овој бод е од големо значење за тимот на Ница во борбата за опстанок. Ленс поведе на крајот од 60. минута од натпреварот. Томасон испрати идеална топка до Сен-Максимин, а напаѓачот на Ленс ја испрати топката во мрежата (0-1). Тован можеше да го зголеми водството во 71. минута, кога мудро се обиде да го лобува голманот на Ница од преку 25 метри, но не беше доволно прецизен и топката ја погоди пречката.
Сепак, работите почнаа да се комплицираат за гостите во 81. минута. Абдулхамид, како последен одбранбен играч, го фаулираше Диоп пред шеснаесетникот. Судијата немаше друг избор освен да му покаже црвен картон на Абдулхамид, а домашните имаа одлична можност да го загрозат голот на голманот Ризе со слободен удар. Диоп шутираше, топката удри во „ѕидот“ и се одби до Абди, кој го прифати отпадокот и постигна погодок за конечни 1:1.
