Еурофарм Пелистер повторно покажа заби во Лигата на шампионите, но пак недоволно за први бодови во групата А од европското елитно натпреварување. „Зелено-белите“ брзо се опоравија од пировата победа над Вардар и бурните денови кои следеа, па вечерва одиграа храбро против големиот фаворит Киелце, кого го натераа да трепери до самиот финиш за да ги освои посакуваните бодови. На крај пелистерци забележаа уште еден пораз (21-24), но борбеноста и желбата за победа се она за што на крај добија аплаузи од домашната публика.
