Екипата на Пелистер одигра доминантно на домашната сцена и со победа над Куманово (104-70) останува меѓу најдобрите во шампионатот. Со овој триумф битолчани го презедоа првото место од МЗТ Скопје, кој во рамки на оваа рунда се соочува со Струмица. „Зелените“ доминираа од почетокот до крајот и заслужено се радуваа на победа во „Боро Чурлевски“. Куманово немаше никакви шанси во мечот, освен во првиот квартал кога играше изедначено со ривалот.