Кошаркарската репрезентација на Македонија повторно е заедно. Кошаркарите по крајот на клупските обврски и Куповите во земјите се ставија на располагање на националниот тим за последните две средби од квалификациите за Европското првенство (ЕП). Селекторот Александар Јончевски за првпат на овој собир ќе ги има на располагање двете најголеми ѕвезди во мак-баскетот во моментов, тоа се Ти-Џеј Шортс од Париз и Ненад Димитријевиќ од Олимпија Милано. Плејмејкерите ќе бидат главен адут на Македонија во нападот на Естонија на гости и Полска на домашен терен. Наши ривали ќе бидат Естонија и Полска, а ако ги победиме ќе ни биде потребна услуга и од Литванија, за да се најдеме на Евробаскетот првпат по една деценија.
