МЗТ Скопје уште еднаш покажа шампионски менталитет и слави на првото дерби во сезоната среде Битола против Пелистер (67-72). „Штрковите“ во тесен и на моменти тензичен меч успеаја со подобра игра во завршницата да стигнат до триумф, нанесувајќи им го првиот пораз на пелистерци. МЗТ досега ги доби сите натпревари, меѓутоа поради технички пропуст победата над Ангели им беше поништена и впишан е службен пораз. Сепак, тимот на Васко Атанасов покажа дека во мак-баскетот уште се прашува МЗТ Скопје.
