Без разлика што една недела тренираат некомплетни под водство на помошникот, Данило Брестовац, македонските ракометари од денес се комплетни и водени од Обрван влегуваат во централната фаза на подготовки за европското првенство во Полска. Сите се во очекување на Ацо Јоновски, кој синоќа играше меч со Кил во Бундеслигата и вечерва ќе пристигне во Скопје, а од утре ќе биде со репрезентативците. Со него групата ќе биде комплетна, откако утрово за прв пат се приклучија Кире Лазаров, Борко Ристовски, Филип Миркуловски и селекторот Обрван. Следува главната физичка и тактичка фаза, која ќе биде кратко прекината заради новогодишните празници, а потоа следува кратката словенечка турнеја и двата меча против „змајчеките“ на Веселин Вујовиќ.
Селекторот Обрван во изјава за новинарите
Селекторот Обрван и репрезентативците на Македонија
Македонските репрезентативци на тренинг
