По три години владеење на Еурофарм Пелистер, Вардар 1961 ја врати титулата во своите витрини. Со доминантна сезона на домашно тло, црвено-црните на Иван Чупиќ се вратија на врвот. За Вардар ова беше рекордна шеснаесетта титула, а со трофејот во главниот град на Македонија се враќа и елитниот ракомет и Лигата на шампионите, во која токму македонскиот ракометен бренд освои два пехари во 2017 и 2019 година.
