Фотогалерија
Стигнаа дури и до водство, но не и во пресврт: Металург прв пат поразен во Скопје

Пак во драматична завршница победата му побегна на Металург. Ако против Скјерн и Баја Маре на гостувањата, кобен беше последниот напад, денес во Скопје, момците на Червар потфрлија во последните пет минути. Постојано бркаа и кога се чинеше дека Јанко Божовиќ и соиграчите го имаат тимот на Баја Маре, настана неочекуван застој во играта. Последните пет минути, наместо македонскиот, романскиот првак успеа да собере енергија и да се радува со 21-23 во шестото коло од Лигата на шампионите.