Кратовски Силекс не успеа да го одбрани трофејот во Купот на Македонија. Во финалниот меч тимот загуби од Македонија Ѓорче Петров по пенали (0-0 регуларен дел, 4-3 пенали), па така сезоната ја завршува само со титула во ВМФЛ-Запад. Горазд Михајлов имаше одличен тактички натпревар, противникот скоро и да немаше зрели шанси за гол, но на крајот пак Силекс остана со празни раце. Кобни беа изведувањата на ударите од белата точка за кои скопскиот тим подобро се имаше подготвено. „Лавовите“ го грабнаа вториот пехар во Купот, по оној во 2006 година.
