Македонските фудбалери до 21 година претрпеа висок пораз од Шведска (1-4) во рамките на петтото коло од квалификациите за Европското првенство. Натпреварот на стадионот „Петар Милошевски“ во Битола понуди добар старт на момците на Горан Станиќ, но потоа и пад во играта кој квалитетен ривал како Швеѓаните знаеше да го казни. Голот на Дашмир Елези беше еден од ретките светли моменти во играта на надежите, а ривалот со двата гола на Оморова и по еден на Сонко и Будри стигна до висока пресврт-победа.
