Фотогалерија
Шкендија го „згазна“ нервозниот Вардар, а цела јавност зборува за Ставрев и Попов!

Требаше да биде фудбалски празник, а кога по натпреварот сите говорат за делењето на правдата, а уште во првиот дел имаше две исклучувања, тогаш нешто недостигаше за да биде вистинско дерби. Шкендија стекна огромна предност пред реваншот наредната среда, а во нерамноправниот меч со двајца фудбалери помалку, Пачовски спречи и поубедлива победа на тетовчани. Стенио Жуниор и Цуцули во првото и Марјан Радески во второто полувреме ја „потпишаа“ најубедливата победа на Шкендија над Вардар во ерата на Самсоненко. Специфично е што се играше на „Чаир“, во четврток и што вербалниот дуел и реакцијата на Горан Попов врз нашиот најдобар судија Александар Ставрев ќе остане лајт-мотив на ова Куп четвртфинале.