Цела сезона непоразениот Веспрем ризикуваше во првиот од двата најважни натпревари во СЕХА лигата да го расипе впечатокот. Европскиот првак играше така лошо и невпечатливо, што Мешков Брест имаше целосно добиен меч. Малку неискуство, малку страв од победа против големиот противник си го направија своето и мечот во Вараждин заврши 20-20, а со тоа седмерците го одлучуваа финалистот. Таму Белорусите годеа во стативата, а четворицата изведувачи на Веспрем во целта. Втора година по ред најславната унгарска екипа на сите времиња ќе игра за СЕХА титулата.