90 минути пред почетокот на одлучувачкиот натпревар за пласман во следната фаза на Европското првенство во Полска, македонските и српските ракометари пристигнаа во поттрибинскиот простор на „Краков арената“.
Нашите репрезентативци беа поздравени од членовите на „Фалангата“ кои неуморни во текот на целиот ден ги извикуваа познатите навивачки песни низ Краков и во фан-зоната. Филип Лазаров, Немања Прибак, Дејан Манасков и Гоце Георгиевски потпишуваа автограми, а најмладиот од нив заработи и бакнеж. Поединечно беа скандирани имињата на сите наши репрезентативци.
Српски навивачи скоро и да нема, па Македонија со сигурност ќе го добие дуелот на трибините.
