Кристијан Станојковски и Амелија Уце ја потврдија улогата на фаворити и доминираа на 26. шампионат на Македонија во пинг-понг, кој овој викенд се одржа во спортската сала „Јордан Мијалков“ во Штип. Претставници на сите клубови од нашата земја учествуваа на дводневните натпревари на кои Станојковски освои три титули (поединечно, машки двојки и мешани двојки), а Уце понесе две одличја (поединечно и мешани двојки). Радува враќањето на интересот за овој спорт, кој има само повремени блесоци и се базира само на инвидуалци и нивниот ентузијазам години наназад.
