По церемонијалот на свечено прогласување на победникот на СЕХА лигата големиот пехар на натпреварувањето заврши во рацете на капитенот на Веспрем, Ласло Наџи. Пехарот му го врачи Михајло Михајловски, претседателот на СЕХА лигата. Унгарскиот тим е првата екипа која успеала да го одбрани трофејот во натпреварувањето. Со оглед на најавите дека ова ќе биде последна сезона во која настапуваат во регионалната лига, Унгарците се израмнија на врвот на вечната листа со Вардар со по два трофеи. На пиедесталот, но на пониското место свое внимание добија и второпласираниот Вардар и третопласираниот ППД Загреб.