Не е лесно да се игра фудбал на теренот на „Цементарница“ каде денес за клучни бодови во ВМФЛ имаа Еуромилк и Пелистер. Благодарение на брзите голови на почетокот од двете полувремиња „млекарите“ дојдоа до 2-0 и направија голем исчекор кон средината на табелата. Пелистер пак само што се понадева дека може да виде прволигаш, сега трепери да не биде и третолигаш. Таква е нашата Втора лига во која секој може секого да победи и каде во последно време фудбал се игра на било какви терени, ливади, селски игралишта.
