Ракометната репрезентација на Македонија го имаше последниот тренинг пред втората фаза на Светското првенство (СП) во ракомет. Нашиот национален тим тренира во полн погон, а во акција е и Марко Митев кој имаше ситна повреда и не настапи против Гвинеја. Селекторот Кирил Лазаров им „нацрта“ на ракометарите што ги чека во првиот дуел против Австрија на стартот на втората фаза, нивно е да го спроведат тоа и да играат за нивна радост и за радост на „Фалангата“.
