Кошаркарската репрезентација на Македонија со пораз ги заврши квалификациите за Светското превенство, откако дома загуби од Украина со 68-73. Избраниците на Драган Бајиќ катастрофално влегоа во натпреварот, а тоа ги чинеше пораз, бидејќи во продолжението беа рамноправни со противникот. На теренот во националниот дрес одлична партија одигра Андреј Јакимовски, додека стандардно добри беа Војдан Стојановски и Бојан Крстевски, кои се издвоија барем според поените.
