Фотогалерија
Кобните слободни фрлања ја прекинаа серијата на металците

Лоши први две четвртини, па пресврт и меч топка да се дојде до четвртата победа во серија за кошаркарите на МЗТ Скопје. И кога се беше како сервирано за да се заврши годината во голем стил, тројката на Данило Николиќ ги сруши сите надежи и сите илузии на скопските кошаркари. Кобни беа трите промашени слободни фрлања во периодот кога се „кршеше“ резултатот. МЗТ Скопје не ја заврши работата до крај и затоа беше казнет. Поразот од 76-77 е тешка „шлаканица“ за амбициите на МЗТ Скопје, и сега е на кошаркарите да се издигнат и да покажат дека можат одново да почнат победничка серија. А наредниот натпревар е еден од ретките за кој нема потреба за мотивација. Градското дерби со Работнички во среда ќе ја заврши турбулентната 2015 година за најдобриот македонски кошаркарски клуб.