Кошаркарите на Пелистер вторпат во својата историја ќе играат за трофејот во Купот на Македонија. Битолчани ја исполнија својата досегашна цел, славеа и во полуфиналниот меч против Еуро Никел пред солидно пополнетите трибини во „Боро Чурлевски“ (78-68). Избраниците на Дарко Радуловиќ во клучните моменти од средбата покажаа карактер и закажаа меч за трофејот со МЗТ Скопје, а финалето ќе го дочекаат силно мотивирани.
