Нов спектакл во „Краков арената“ и ракомет со милион емоции за шпанско славје и место во финалето на овогодишното ЕУРО. Само пет месеци по освојувањето на кошаркарската титула од стариот континент, Шпанија ќе има шанса да присвои и ракометната. Во дуел со многу голови и со темпо кое не се гледа секогаш на еден ракометен натпревар, „црвената фурија“ пронајде стратегија да дојде до победа против обновената и силно мотивирана Хрватска. Финалните 33-29 заслужено отсликуваат како Штербик, Македа и соиграчите ја донесоа Шпанија на чекор до ракометна слава.
