Брера Струмица го доби својот прв натпревар по ребрендирањето и на стартот на ПМФЛ тргна со триумф над Вардар (1-0). Средбата на СЦ „Горан Пандев“ беше вистински фудбалски празник. Убаво и сончево време, пред полната трибина струмичани, но и „набрканите“ скопски навивачи, „Комитите“ кои со песна го зачинија перфектниот ден. На нивна жал, а среќа на домаќините, Брера со голот на Јанкулов го доби натпреварот од првото коло.
