Екипата на Пелистер е последниот патник во полуфиналната фаза во македонскиот кошаркарски плеј-оф. „Зелените“ дома во третата средба убедливо го совладаа Феникс (81-56) и така со 2-1 ја добија четвртфиналната серија. Феникс дојде во Битола повторно без Бојан Трајковски, а иако Ивица Димчевски, за кого не беше најавено дека ќе игра, беше на теренот, не даде голем придонес и заврши со ужасен шут 2/13. Тоа беше огромен хендикеп за тренерот Дервишевиќ и неговиот тим имаше сила за едно полувреме. Во полуфиналната серија Пелистер ќе игра со ТФТ, додека вториот пар го сочинуваат МЗТ Скопје и Работнички.