Шпанците како да се навикнати на радост, иако никогаш не биле европски прваци, но Германците „полетаа до небо“ на церемонијата на свеченото доделување на признанијата. Тимот за кој експертите пред европското првенство не предвидуваа ниту место меѓу првите 8-10 репрезентации е на врвот на континентот. Бундес стилот го погоди селекторот и Дагур Сигурдсон е архитектот на успехот и човекот кој вгради неверојатна енергија во тимот на иднината. Големата Шпанија е прегазена со 24-17 и може да се отвори шампањското за луда германска ноќ во Краков. Дефинитивно тоа ќе биде долга ноќ за Германците. Втора европска титула, плус освоена на полско тло.
