Ракометарите на Еурофарм Пелистер одлично ја одработија последната домашна задача во СЕХА лигата оваа сезона. Против Татран Прешов одиграа за чиста „петка“ и со огромна залиха ќе патуваат во Словачка (37-29), на реванш-четвртфиналето во регионалното натпреварување. Во битолската сала „зелено-белите“ покажаа карактер и потврдија дека не го кажале последниот збор оваа сезона. Данскиот тандем Хенеберг и Кисум одиграа брилијантен натпревар, но најефикасен на паркетот беше Костески со десет гола.
