Второ дерби во новата сезона, прво во Суперлигата и втора победа за Вардар 1961. Најтрофејниот клуб славеше на домашен терен над Еурофарм Пелистер (30-25) и по оној триумф во Суперкупот му даде до знаење на ривалот дека нема лесно да се предаде во борбата за титулата оваа сезона на домашната сцена. Вардарци продолжија со навиките како во минатото, затоа што ова е деветта победа на „црвено-црните“ на домашен терен во последните десет соочувања со најголемиот ривал. Алармот е вклучен во Еурофарм Пелистер, затоа што ако тимот продолжи вака, титулата ќе се врати во Скопје, а тоа е нешто што ракометна Битола нема да го прости лесно.
