• Зоран Мишевски
Федерацијата за традиционално борење на Македонија ќе ја претставува нашата земја на Светските номадски игри, кои се одржуваат во Бишкек, Киргистан, од 31 август до 7 септември.
Делегацијата ја предводи Фарук Реџепи, како раководител на делегацијата, со натпреврувачите Увејс Фејзулаху (+100 кг) и Дилавер Шаќири (60 кг).
„Нашата федерација е особено горда и почестена што е дел од овој значаен светски настан, претставувајќи ги спортот, традицијата и културното наследство на нашата земја на меѓународната сцена“, истакнуваат од ФТБСМ.
На овој голем светски настан учествуваат повеќе од 4.000 спортисти од околу 100 земји, во 45 традиционални спортски дисциплини.