• Сашо Поповски
ВБЦ шампионот во тешка категорија, Деонтеј Вајлдер, беше критикуван дека не се соочува со сериозни противници, па затоа зад своето име го има перфектниот рекорд без пораз. Но, сето тоа се промени синоќа, кога го победи Кубанецот, Луис Ортиз, и тоа со технички нокаут во десеттата рунда, за да стигне до скор од 40-0.
Боксерот од Алабама преживеа тешки моменти во осмата рунда, но се врати и му го нанесе првиот пораз на Ортиз по 29 борби.
Great fight. All the drama you would want to see. Wilder’s best fight so far! Congrats to @BronzeBomber and Ortiz for a good fight! #wilderortiz
— Lennox Lewis (@LennoxLewis) March 4, 2018
Во последната рунда од борбата се влезе со резултат од 85-84 во корист на Американецот, кој претходно во петтата рунда првпат го нокаутираше својот противник. Еднаш и тој ја почувствува силата на кубанскиот боксер, па по неколку силни удари за малку не заврши на подот во седмата рунда.
Вториот нокаут во десеттата рунда го натера судијата Дејвид Филдс да ја прекине борбата на 55 секунди до крајот.
