• Иван Димовски
Боксерскиот клуб Куманово ќе биде дел од новоформираното натпреварување „Open Balkan Cup“, во кое учество ќе земат и претставници на Албанија и Србија. Во Белград на свечен настан беше претставено натпреварувањето кое стартува веќе овој викенд.
На собирот присуствуваше и првиот човек на БК Куманово - 84, Кристијан Андреевски, кој имаше и свое обраќање.
„Голема благодарност до нашите големи пријатели од Србија кои не поканија да учествуваме и бидеме домаќини во октомври .
Ние како клуб како и досега ќе се потрудиме да бидеме одлични домаќини и се ќе направиме да имаме конкурентен тим кој достојно ќе ја претстави нашата држава во оваа ново натпреварување“, изјави Андреевски.
„Open Balkan Cup“ ќе стартува в недела во Смедерево, а една етапа ќе се одржи и во Куманово. Македонскиот претставник ќе биде домаќин на деветти и десетти октомври.