• Саше Љолес
Еден од најдоминантните и најуспешни боксери на модерната ера, Теренс „Бад“ Крафорд, официјално стави крај на својата професионална кариера. Американецот одлучи да се повлече на 38-годишна возраст, оставајќи зад себе беспрекорно наследство и статус на еден од најдобрите во историјата на спортот.
Крафорд ја завршува кариерата без ниту еден пораз, со импресивен скор од 42 победи во 42 меча, од кои дури 31 со нокаут. Во текот на својата кариера, тој успеа да стане светски шампион во повеќе категории, покажувајќи исклучителна техника, интелигенција во рингот и разорна моќ.
Круна на неговата кариера беше победата во септември, кога во спектакуларен меч го совлада Саул „Канело“ Алварез, со што ги обедини најважните светски титули во суперсредна категорија. Со тоа, Крафорд влезе во историјата како редок боксер кој освоил титули во неколку различни категории и притоа останал непоразен.
„Немам повеќе што да докажувам. Освоив сè што посакував и си заминувам под мои услови“, изјави боксерот.
Неговото повлекување предизвика бројни реакции во светот на боксот, каде многумина го сметаат за еден од најдобрите боксери на 21 век. Со дисциплината, посветеноста и бескомпромисниот боречки стил, Теренс Крафорд остави длабока трага и постави стандарди кои тешко ќе бидат надминати.