• Сашо Поповски
Лоши вести за сите боксерски фанови во нашата држава соопшти Управниот одбор на боксерската федерација на Македонија.
Коронавирусот ги натера челниците на федерацијата да донесат одлука и да го откажат одржувањето на 50-тото јубилејно издание на „Златен Гонг“.
„Нашата цел беше оваа години да го организираме „Златен Гонг“ достојно, со квалитетни боксери од Европа и светот, согласно јубилејот на 5о издание. Невозможно е во ваква ситуација на светска пандемија да се организира ваков важен настан, за жал принудени сме да го одложиме за следната година, и други големи спортски собири оваа година се одложени за следната поради пандемијата на коронавирусот, тоа беше случај Олимписките игри, сметам дека ова е исправна одлука, оваа спортска манифестација заслужува организација и квалитет за јубилејот на високо ниво“, изјави претседателот на Боксерската федерација на Македонија, Примислав Димовски.
Ова е трето откажување на боксерскиот спектакл во неговата историја, по оние во 1988 и 1997 година.