• Горан Упале
Македонскиот боксер Илчо Костовски не успеа да се пласира во полуфиналето на Медитеранските игри во Таранто, откако во четвртфиналната пресметка во категоријата до 90 килограми загуби од Шпанецот Емануел Рејес Пла. Шпанскиот боксер славеше со одлука на судиите, со вкупен резултат 5-0.
Шпанецот беше подобро оценет во сите три рунди. Четворица судии му доделија по 10-9 во секоја рунда, додека кај петтиот судија во втората рунда резултатот беше 10-8 во корист на шпанскиот претставник.
На крајот, сите пет судии беа едногласни и му ја доделија победата на Рејес Пла, со вкупни бодови 30-27, односно 30-26 кај еден од судиите.