• Мартин Танасковски
Британскиот боксер Тајсон Фјури ја одбрани ВБЦ-титулата во тешка категорија пред 94.000 навивачи на стадионот „Вембли“ и го совлада сонародникот Дилијан Вајт.
До посакуваниот триумф во спекткауларниот бокс натпревар, Фјури дојде со импресивен технички нокаут со аперкат за паметење во шестата рунда. Ова беше втора победа за Фјури за одбрана на појасот кој го освои во 2020 година.
Популарниот „цигански крал“ по борбата кажа дека ова може да е негов последен дуел. Појасот Фјури го освои со победа над Вајлдер во 2020 година, а во 2021 година следеше одбрана против истиот ривал.
Вајт го доживеа третиот пораз во про рингот, втор во последните три борби. Фјури ја забележа 32-та победа во кариерата во која има уште еден нерешен натпревар.