Фјури најави нов спектакл: По Вајлдер во рингот ќе го предизвика Џошуа

ВБЦ шампионот Тајсон Фјури ги израдува своите фанови, откако обелодени кои ќе бидат неговите следни противници во боксерскиот ринг. 

Веќе е познато дека негов следен меч е против големиот ривал Дионтеј Вајлдер, против кого за првпат ќе ја брани ВБЦ титулата, а потоа ќе следат два спектакли против Ентони Џошуа.

„До крајот на годината сигурно ќе имам реванш со Дионтеј Вајлдер, а потоа следат две борби со Џошуа“, истакна Фјури.

Фјури на 22 февруари го нокаутира Вајлдер и стана ВБЦ шампион, а против Џошуа ќе се бори за апсолутен светски шампион.