Ентони Џошуа во месец ноември ќе ја брани ИБФ титулата

• Александар Ковачев

Британскиот боксер Ентони Џошуа шампионската титула во ИБФ категоријата ќе ја брани на крајот од месец ноември, во Манчестер. Сè уште не е познато името на неговиот противник, кое ќе биде соопштено до крајот на овој месец.

„Треба малку време за да се биде и официјално. Сакаме тоа да биде спектакуларна претстава и потребно е време за некои работи да се направат на вистинскиот начин“, изјави Џошуа.

Борбата за одбрана на шампионскиот појас ќе се одржи на 26 ноември, во Манчестер. Џошуа, кој е и освојувач на златниот олимписки медал од Олимписките игри во Лондон е непоразен веќе 17 борби, во кои забележа исто толку победи, сите со нокаут.