• Зоран Мишевски
Светот се одушевува на комплетноста на Ентони Џошуа, кој го победи 14 години повозрасниот Владимир Кличко во мечот за титула светски првак во ИБФ верзијата и веднаш го повика Тајсон Фјури како следен во рингот.
„Тајсон Фјури, каде си? Дојди, ти си следниот…19-0 во победи, го виде ли ова вечерва. Да го сопреш Владимир Кличко е неверојатна работа. Тајсон, сега ти си на ред“, изјави старо-новиот светски првак од рингот во Лондон.
Фјури пред неколку недели изјави дека е подготвен да се врати во рингот и покрај проблемите и долгата пауза. Британците навиваат за дуел на двајца боксери од Островот во меч за светска титула, но огромна дилема е дали до борба меѓу Џошуа и Фјури воопшто ќе дојде.