• Горан Упале
Флојд Мејведер е прогласен за најдобар боксер на сите времиња во изборот на угледниот боксерски медиуми „BoxRec“.
Американскиот боксер пред две години ја заврши својата професионална кариера со неверојатен скор од 50 победи и ниту еден пораз, што можеби беше пресудно за „BoxRec“ да го стави на лидерското место.
На втората позиција се најде Мани Пакјао, трет е Карлос Монзон, додека легендарниот Мохамед Али го зазема четвртото место.
Интересно од овој избор е тоа што меѓу првите десет во историјата немаше место за неколку великани, како што се Мајк Тајсон, Ивандер Холифилд, Ленокс Луис.