• Саше Љолес
Македонскиот боксер Ален Рустемовски успешно го започна настапот на Медитеранските игри во Таранто, откако во категоријата до 60 килограми славеше над претставникот на Босна и Херцеговина, Михајло Декиќ.
Рустемовски беше подобар во текот на борбата, а победата ја обезбеди со технички нокаут во третата рунда. Македонскиот боксер имаше целосна предност и на судиските листи. По првите две рунди четворица судии го оцениле мечот со 20:18 во негова корист, додека петтиот судија му дал уште поубедливо водство од 20:17.
Со овој триумф, македонскиот боксер продолжува во следната фаза од турнирот и останува во игра за медал. Боксeрската програма на Медитеранските игри трае од 22 до 27 август.
Следен противник за нашиот Рустемовски ќе биде Ариол Зенели од Албанија.