• Горан Упале
Македонските репрезентативци, браќата Рустемовски имаа одличен настап на третиот Меѓународен боксерски турнир „Мирослав Петровиќ“ во Куманово.
Ален Рустемовски имаше два одлични борби со кои влегува во потесниот круг на конкуренти за освојувач на овогодишниот меѓународен турнир. Во полуфиналето Ален го совлада германскиот репрезентативец Јилмиз Емре Кан, додека во финалето беше поуспешен од репрезентативецот на Црна Гора, Томислав Ѓиновиќ.
Одличен настап имаше и неговиот брат Адријан Рустемовски кој исто така освои прво место, откако во финалето беше поуспешен од Милош Маринковиќ од Србија. Највисоко место на подиумот обезбеди и Ружди Рустемовски кој исто така славеше на две борби.
На турнирот во Куманово за најдобар боксер беше избран Ален Рустемовски, додека тренерот Јове Петровски беше прогласен за најдобар тренер.