Авто-мото

Формула 1 тимот на Ферари би можел да доживее промени по крајот на тековната сезона. Остана уште трката за Големата награда на Абу Даби, а потоа се оди на зимска пауза. Италијанскиот тим е во трка за второто место во поединечна и конструкторска конкуренција, па доколку не се обезбедат сезоната ќе биде неуспешна. 

Трката за Големата награда на Бразил понуди драма до последниот круг, двојна победа на Мерцедес и интересни радио комуникации на крајот. Имено, Шарл Леклер и Серхио Перез водат тесна битка за второто место во поредокот и во последната трка во Абу Даби влегуваат целосно израмнети на по 290 бода. 

Шпанецот Алваро Баутиста ја освои титулата во Супербајк шампионатот. Ова е негов прв трофеј во оваа категорија.

Четирикратниот светски првак во Формула 1, Себастијан Фетел ги вози последните трки во кариерата. Бразил и Абу Даби ќе бидат простување на големиот германски возач, кој по крајот на сезоната заминува во спортска пензија. 

Данскиот возач Кевин Магнусен ги шокираше сите во Бразил, бидејќи постигна најдобро време во квалификациите за спринтерската трка и ја освои првата пол-позиција во кариерата.

Возачот на Дукати, Франческо Бањаја е светски шампион во Мото ГП за 2022 година! Тој е вториот шампион на Дукати по Кејси Стонер (2007) и првиот Италијанец на италијански мотоцикл кој станал шампион после 50 години.

Шампионскиот тим во Формула 1, Ред Бул Рејсинг, сезонава ги обедини двете круни во поединечна и екипна конкуренција. Макс Верстапен и Серхио Перез ја обезбедија конструкторската титула, а овие возачи ќе возат и следната сезона за тимот. 

Даниел Рикиардо на крајот од сезоната заминува на пауза од Формула 1 патеките. Од поодамна е познато дека тој и Мекларен ќе го раскинат договорот.

Трката за Големата награда на Мексико веројатно беше најдобрата шанса за Мерцедес сезоната да не ја заврши без победа. Овој тим имаше неверојатно темпо, му парираше на Ред Бул во целост, а беше далеку побрз од Ферари. Сепак, лоша одлука за стратегијата ги чинеше возачите на Мерцедес веројатно победа.