• Горан Упале
Возачот на Ред Бул, Макс Верстапен, изјави дека никогаш не ни замислувал дека ќе освои четири последователни шампионски титули во Формула 1 и дека сега чувствува големо олеснување и е горд на постигнатиот успех.
„Да стојам овде како четирикратен светски шампион е нешто што никогаш не мислев дека ќе биде возможно. Така, во моментов чувствувам олеснување, но исто така сум многу горд“, изјави 27-годишниот холандски возач.
Верстапен ја освои својата четврта последователна титула во Формула 1 со денешното петто место на трката за Големата награда на Лас Вегас. Така тој се израмни на третото место на сите времиња со Себастијан Фетел и Алан Прост. Пред нив по бројот на титули се Хуан Мануел Фанџо со пет, како и водечките Михаел Шумахер и Луис Хамилтон со по седум трофеи.