• Зоран Мишевски
Холандскиот возач Макс Верстапен ја освои пол-позицијата во квалификациите за Големата награда на Саудиска Арабија во Формула 1.
Макс Верстапен беше најбрз по првиот дел од квалификациите, каде трикратниот светски шампион беше на првото место, но таа предност не беше толку голема. Ова е 34-та пол-позиција за Холанѓанецот во кариерата, а прва на патеката во Џеда.
Од првиот ред со него ќе тргне и Шарл Леклер. Веднаш зад нив класифицирани се Серхио Перез во Ред Бул и Фернандо Алонсо во Астон Мартин. Понатаму рангирани во квалификациите се Пјастри, Норис, Расел, Хамилтон, Цунода и Строл.
Трката за големата награда на Саудиска Арабија ќе се вози утре во 18:00 часот.