• Мартин Танасковски
Педро Акоста и Алекс Маркез имаа страшен судир кој ја заледува крвта. Најважната вест по тешкиот инцидент на трката за Големата награда на Каталонија е дека сите возачи, вклучувајќи го и Маркез, се свесни.
Несреќата се случи по драматичен момент во борбата за првото место меѓу Акоста и Маркез. Во 12. круг пукна задната гума на моторот на Акоста од КТМ, по што младиот Шпанец нагло забави. Во тој момент дојде до страничен контакт со мотоциклот на Грезини Дукати на Алекс Маркез, кој се движеше со полна брзина.
Маркез првично успеа да ја задржи контролата, но излета на тревата, а потоа се врати на бетонскиот дел покрај патеката и ѕидот, каде следуваше тежок пад што ги шокираше сите присутни и гледачите покрај малите екрани.
ALERTE INFO | Énorme CRASH impliquant Alex Márquez en course au Moto GP de Barcelone.
La course a été interrompue et le drapeau rouge a été brandi. pic.twitter.com/EQsbu3VTrC
— Cerfia (@CerfiaFR) May 17, 2026
Режијата на МотоГП не ги повторуваше забавените снимки од инцидентот, додека се чекаа информации за состојбата на возачот. Снимките повторно беа прикажани дури кога беше потврдено дека е избегнато најлошото.
Во инцидентот за малку настрада и Фабио Ди Џанантонио, кој налета на остатоците од моторот на Маркез и заврши на асфалтот. Во моментов сè уште се очекуваат официјални информации за евентуалните повреди на Алекс Маркез.