• Иван Димовски
Џорџ Расел ќе тргне прв на трката за Големата награда на Лас Вегас, откако извозе најбрз круг во саботните квалификации.
Британскиот возач на Мерцедес имаше најбрзо време од 1:32,312, победувајќи ја конкуренцијата за минимална маргина. Карлос Саинц ќе почне од второто место откако доцнеше само 0,098 секунди. Сензационален е пласманот на Пјер Гасли кој ќе тргне од третото стартно место.
Друштво во вториот стартен ред ќе му прави Шарл Леклер, а зад него ќе тргнат кандидатите за титулата Макс Верстапен и Ландо Норис. Во топ десет се уште Јуки Цунода, Оскар Пиастри, Нико Хулкенберг и Луис Хамилтон.
Трката за Големата награда на Лас Вегас се вози в недела од 07:00 часот наутро.